Fyrsta tölublað Sportveiðiblaðsins 2018 er að renna út úr prentvélunum. Um er að ræða stórglæsilegt tölublað. Í blaðinu er tímamótaviðtal við Þórarinn Sigþórsson „Tóta tönn“ en hann hefur landað 20.511 löxum! Einnig er viðtal við stórsöngvarann Kristján Jóhannsson og Jón Þór Ólason sem er nýkjörinn formaður SVFR. Við skoðum flugurnar hans Sveins Þórs Arnarsonar og ferðumst milli veiðistaða í Laxá í Dölum. Árni Matthíasson segir okkur frá Tungulæk og Haugurinn segir okkur frá „trendinu“ í laxaflugum fyrir sumarið. Einnig er að finna í blaðinu fjölmargar veiðisögur og greinar þar sem flakkað er frá Elliðavatni til Suður-Ameríku með millilendingu í Finnmörku. Þetta er aðeins brot af því sem við segjum frá í þessu fyrsta tölublaði ársins.

 

Blaðið er eins og fyrr segir að skríða úr prentvélunum og verður blaðinu dreift til áskrifenda og á endusölustaði í næstu viku.  Þetta er tölublað sem allir veiðimenn ættu að eignast! 

 

Útsöluverð er aðeins kr. 1.799.-

 

Áskriftargjald fyrir 3 tölublöð - aðeins krónur 2.999.-

Sportveiðiblaðið er farið í prentun og væntanlegt í næstu viku. Stútfullt blað á 35 ára afmælisári blaðsins!

Það er einfalt og ódýrt að gerast áskrifandi hér á heimasíðu okkar -www.sportveidibladid.is

Meðal efnis í blaðinu er að finna viðtal við stórveiðibræðurnar Aðalstein, Pétur og Þórð Péturssyni og einnig við Reimar Ásgeirsson uppstoppara, Bubba Morthens og Ingvi Hrafn kveður veiðiskapinn. Ýmsar minni greinar og veiðistaðalýsingar á Grímsá, Ytri-Rangá og Skjálfandafljóti.

Blaðið er mun þykkra en venjuleg þannig að lesendur ættu að fá extra mikið fyrir sinn snúð.

Þeir sem eiga hálfa frystikistu af hreindýrahakki geta nýtt uppskrift Bjarka Gunnarssonar af sínum eftirlætis hreindýraborgara.

Nú styttist hratt i að klak toppflugunnar og þá er ekki ónýtt að eiga eitthvað af flugunni Langskegg. Í Fluguhnýtingahorninu má finna þar uppskrift og mynd af upprunalegu útgáfunni frá höfundi, Erni Hjálmarssyni.

Bjarni Júlíusson spáir í komandi laxveiðitímabil og fiskeldisfyrirtæki fá orð frá Oddi Hjaltasyni.

Njótið vel!

Sportveiðiblaðið

 

 

Nýtt tölublað Sportveiðiblaðsins er komið í dreifingu og geta áskrifendur vænst þess að fá það sent heim að dyrum í vikunni. Ef þú ert ekki þegar áskrifandi er auðvelt að gerast áskrifandi á www.sportveidibladid.is

Í blaðinu er farið um víðan völl og má þar nefna viðtal við Þröst Elliðason um fiskirækt og veiðileyfasölu, Jóhann Davíð fer með okkur á Kólaskaga, Pétur Þór Gunnarsson segir okkur frá ótrúlegu ævintýri sem hann lenti í fyrir mörgum árum er hann veiddi 4 laxa yfir 20 pund á skömmum tíma og Oddur Hjaltason birtir grein um áhrif virkjana á laxveiðiár. Kalli Lú er með pistil um gædalíf á bökkum Langár, Jói byssusmiður fer yfir helstu atriðin við hreinsun á haglabyssum... svo fátt eitt sé nefnt. 

Forsíðumyndin er af Díönu Guðmundsdóttur og ritar hún frásögn af ógleymanlegri stund þegar hún fékk fyrsta flugulaxinn.

Nú er bara að njóta veiðimaður góður. Endilega deilið og dreifið boðskapnum þannig að enginn þurfi að láta sér leiðast yfir hátíðarnar!

Sportveiðiblaðið

Njótið vel.

 

 

Samskiptamiðlar